قصة الوردة
قال لي ماتت الوردة نسى إحســــــاسه اللي مات
نسى حبي وحناني وقســوته وكيف كان يعاملني
عطاني وردة حمرا الصبح وماتت بعدها بساعات
وحتى بموتت الوردة أعـــــــــــــز الناس يعايرني
أكيد بتموت هالـــــــــوردة تركتها بأحوج الأوقات
نسيت إنه العطش يذبـــــح ذبحتها وجيت تذبحني
جزاك الله يا خلي خير فــــرشت لي دربي بجمرات
وأنا أمشي وأنا ســـــــــــاكت وأقول الله يصبرني
غريبة كيف أنا أسامــــــــــح وإنته تزيد هالغلطات
واذا أخطيت أنا بلا قصد أشـــــــوفك ما تسامحني
غريبة كيف أسمـــــــــــــح لك تطالعني بهالنظرات
واذا إني جيت أضحك لك أشــــــوفك إنت تحرجني
تعبت أمشي أنــــــــــا بدربك ودربك ممتلي ثغرات
وإنته تقـــــــــول لي إصبر وغصب عني تصبرني
وكل ما قلت لك خلنا نريح تسرع الخطـــــــــــوات
يا خلي قـــــــــــــول يعني ليش بهالقسوة تعاملني
اذا حبي وسط قلبك ذبل فــــــــــــــي يوم والا مات
أو إنك خــــــــــــذت ما تبغي وبعد هذا شبعت مني
تكلم قــــــــــــــول لا تسكت وخلنا نجلب الصفحات
وكل واحد يــــــــــروح بدرب بس لازم تصارحني
أنـــــــــــــــا مابيك تحس بذنب أو تندم على مافات
ولكني أبيك تقــــــــــــــــــــــول إنته شفيك ريحني
أبسمع كل مافقلبك أبسمع لـــــــــــــو بعض كلمات
وأنا متوقـــــــــــــــــع إنك لو حكيت لابد تصدمني
واذا إنته تهمك الوردة تعال إسقيها لــــــو قطرات
وصدقني بتتفتــــــــــــــــــــــح بتعجبك وبتعجبني
واذا إنها ما تهمك لا تعيشها وســــــــــــط ظلمات
بيديك إدفنها بالتربه عسى غيـــــــــــرك لها يحني
++++++
صباح الخير
صباح الخير ترددها علي كل يــــــــــــوم ولا تزهق
تقول لي يا بعد عمري صباحك حـــــب صباحك خير
وهي تحرك شفايفها فبحر حبها أنا أغــــــــــــــــرق
أحس إنــــــــــــي بلواحظها بأناملها أنا شخص غير
صباح الخير مختلفه اذا قالتها هـــــــــــــــــي تفرق
كأنها تقول أنا أحبك كأنها تقـــــــــــــــول كلام كثير
أنا أراقب شفايفها وخاصه يـــــــــــــــوم هي تنطق
أحس إني أبحضنها اذا قالت صبــــــــــــــــاح الخير
اذا إنها فيوم ما قالت صبــــــــــــاح الخير قلبي يدق
أحس بشي ينقصني وأقـــــــــــول بقلبي لا ما يصير
وأروح بشـــــــــــــــــوق أسبقها ولكن ليتني أسبق
من تشوف الوله فيني تقول قبلي صبــــــــاح الخير
قبل الشمس ما تشرق في وسـط عيوني هي تشرق
أنا أشهد إنها شمسي تنـــــــــــــــــور عالمي وتنير
أقول سبحـــــــــــــــــــان خالقها وربي قادر ويخلق
أنا ما ألوم كل من غــــــــــــار لأنها بالفعل هي غير
كثر معطيها من وقتي أحس من وقتـــي هي تسرق
تبي أكثر تبي أكثر وهي تستاهـــــــــــــــــل التقدير
واذا غابت عن عيـــــــــوني أحس إني بديت أعرق
واذا غاب أي أحد ثاني بصراحه أقول وخير يا طير
أنا لولاها ما أحيا أقـــــــــــــــول الصدق وهذا حق
تربيني وتعلمني ومهما كبـــــــــــــرت توني صغير
يا أحلى أم في الـــــــــدنيا وأنا مدري طلعت أعشق
وإنتي عشقي الأول عسى دايم صباحـــــــــــك خير
+++++
الليــــل تــوه
فرقى ووداع ونــــــــوح ودموعٍ ونار
ما للحزن اخر على قلــــــــــوب طيبين
مجبور أقول لك روحـي والقلب محتار
خايف عليك عيـــــــــون ناس ٍ معادين
وخلي القصايد عندك تكــــــــون تذكار
وإدعي لي بالخير مثل ما دوم تدعين
وإبتسمي دايــــم يا عسى أيامك أنوار
واذا ذكرتيني أبــــــــــــــــد لا تدمعين
كوني سعيده وإحفظي كــــــل الأشعار
بالعكس لازم إنتي دايـــــــــــم تفرحين
قالت لي ما أنساك لو صــــــار ما صار
لا تدعي الفرحــــــــه وإنت ميت حزين
يا كيف أنسى اللي من رمــــوشه أغار
ويا كيف أنسى قلب عرفته مـــن سنين
صـــــــــاحت وثار القلب في داخلي ثار
ومن دون تشعــــــر إحضنتني بالايدين
وسال الكحـــــل من عينها وقلبي إنهار
ولمست يديني دمــوع طاحت من العين
وطلع علينا الفجـــــــــر وبانت هالأنوار
وقالت لي شف كيف الزمــن ماله معين
توك تقــــــــول باقي ع الصبح مشوار
سبحان ربــــــــي مر في غمضة العين
راحت وعيني تذرف الدمــــــــع مدرار
يا كيف وأنا إنســــان مخلوق من طين
قالت فمـــــــــــــــــان الله وقلت محتار
مع السلامـــــــــه يا عسى أيامك تزين
وقعدت وحــــدي أرسم دموعي أشعار
وأحــــاول أوصف حال هالقلب مسكين
ذكرت كلمه قالها الخــــــــــــل يوم ثار
لا تدعي الفرحــــــــه وإنت ميت حزين
++++++
طفلين
أدري حبيبي كلهم منك يغــــــــــــارون
تصغر بعين النـــــــــــاس وبعيني تكبر
والله وغلاتك ما أحــــــــب لو يموتون
إلا عيــــــــــونك وأعشقك حيل وأجهر
خلهم حبيبي عنك اللـــــــــــي يقولون
يكفي أشوفك في عيونـــــــــــي محدر
بحبك بكيفي بذوقي وبجنــــــــــــــون
بحبك إنته لو مزاجـــــــــــــــــي تعكر
سر المحبه للأبد خله مدفــــــــــــــون
لا لا تعلمهم حبيبي عــــــــــــــن السر
خله في قلبك يا بعد عمري مكنــــــون
مابيه ســـــــــــري ينكشف والا يظهر
مدام أنا عاشق ومغرم ومفتــــــــــون
أشـــــــــــــــوفك الدنيا بحلوها وبالمر
إسمع وطنش ما أبيهم يأثــــــــــــرون
على محبتنا تراهــــــــــــــــم أهل شر
إنته يا غالي تسوى كل اللي في الكون
وأنا أشهد إنك صـــــرت ع القلب تقدر
يدرون أحبــــــك وأدري إنهم يغارون
وعادي في عين النــاس نصغر ونكبر
موضوع: قصائد طارق المحياس 
الأربعاء مايو 21, 2008 3:38 pm
