يوميات مع بنات الابتدائي.

اخباركم ان شاء الله بصحهـ وع ـافيه

**الموضوع من زمان في بالي بس مافيه أكتبه لكن بعد عرض فص فص وكرتون البايسن اللي من ريفان قررت اني انزله

<<لابد من المقدمات اللي مالها داعي

المهم <<ركزوا عليها

هذا الله يسلمكم نزلنا تربيه عملي عند بنات الابتدائي ولابد من حركات الطفوله واللي تموت من الضحك

والي اعطتنا دروس <<لاحظوا احنا تعلمنا مو هم اللي تعلموا منا وراح تعرفون السبب بعدين

اول يوم كان لنا فيه بالمدرسه استقبلونا بريحه عود وعنبر لدرجه انا ماصرنا نشم ريحه عطورنا

من قوه الريحه <<استقبالهم مميز

هالاستقبال هذا اعطانا انطباع عن المدرسه لدرجه حتى وأنا اشرح وشفت واحده واقفه جنبي

اقول لها روحي للحمام بدون ماتتكلم وزياده بعد افتح لها الباب

للمعلوميه<<اذا كانت تبغى شيء البنت تجي توقف جنبك يعني ماتتكلم وهي بمكانها

المهم الاسبوع الثاني نزلنا وكانت عندي حصه تعبير عن وسائل المواصلات

عند ثالث بجد شفت العجب وانواع الذكاء الله يحميهم

جلست اشرح عن القطار شوي الا بنت ابله قلت نعم قالت ياابله انا شفت مثله وبدأت تقول قصه حياتها

قلت لها طيب ياابله شوي لم بدأت اشرح لهم السفينه البنت نفسها ياابله قلت نعم قالت انا شفت مثلها بجده

يعني كل ماشرحت شيء قامت نطت لي وقامت تتفلسف عليه ومااقدر اقول لها اسكتي

<<درست بطرق تدريس انها ماتسكت البنت عشان تعطيها جر أه وتصير واثقه من نفسها

المهم ترى الماده مااعرف عنها شيء يعني لاتقولون كان قلتي لها لاخصلنا الدرس قولي لنا وش شفتي

هذا طبعا من غير حصص الانتظار اللي تصير فيه تحف واشياء بجد تخليك تموت من الضحك


من يوم ماتوقف عند الباب ابله نبغى ننشد غير اقولهم لا طيب ابله ايش اسمك

اقولهم على اسمي عشان افتك من التحقيق واسالتهم وآخر حصه انتظار كانت لي عند رابع

من يوم مادخلت وماسلمت لسى الا البنت جت عندي ابله قلت نعم قالت يااابله فلانه جالسه بمكاني

وموراضيه تقوم وهذا مكاني من بدايه الترم عاد انا مسويه فيها قومي يافلانه اجلسي مكانك

قالت هذا مكاني وابله فلانه حطتني فيه امس قلت لا مكانك من بدايه الترم وين قالت هينا بس ابله

فلانه امس قالت لي اجلسي هينا قلت بنفسي ياليل مطولك شكلنا ماراح ننتهي اليوم طبعا من غير تدخلات

البنات ماشاء الله حقانيين يشهدون مع البنت ياابله هذا مكان فلانه قلت لها سمعتي يلاقومي

والله البنت عناديه المهم عصبت انا وشوي واضحك على المهزله قلت خلاص لاانتي ولاهي

يلا كلكن اوقفن الفصل صار هدوء اشوي اطالع الا البنت تصيح وانا اعطيهم ظهري واجلس اضحك

المهم قلت خلاص اجلسي انتي واياها بعدين أنبني ضميري<<ركزوا على التأنيب


قلت أنتي ارجعي مكانك قالت طيب هذا طاولتي قلت لها يعني لو طاولتك احد نقلنها بالجهه الثانيه

بتلحقينها قالت لا قلت اجل قومي اجلسي مكانك وقامت والحمدلله انحلت المشكله

<<لوانها مشكله فلسطين على غفله


**لطشات من حركات البنات

لاتستغرب وأنت تشرح تقوم بنت تتفلسف عليك وياليت صح مثل كتبت جمله ع السبوره

نحن نسافر في السفينه قامت البنت وقالت خطأ نحن نسافر بالسفينه

لاتنصدم ان لقيت البنت تحت الطاوله وسألتها ايش تسوين تقول ادور على اغراضي

لاتضحك اذا قامت البنت وفتشت بااغراضك <<صارت لها بتشوف البنت انا جبت هدايا والا لا

لاتتذمر من شكاويهم لانها عندهم عادي ياابله شوفي فلانه بس تطالع فيه

والا شوفي تحط رجلها عندي .......الخ


لاتيأس من قوله ابروح الحمام <<لانك لو بتتركها بتروح فيها

وع فكره طلعت عندهم حركات اللف والدوران تخرج تلف بالمدرسه وترجع

حتى ثانيه عندهم هالحركات جتني بنت ياابله ابغى اروح للمديره تتصل على ماما تجي تاخذني

قلت ليش ايش فيك قالت بطني تعورني وتشوف الدموع كلها بعيونها قلت لها طيب روحي

راحت بعد شوي جت قلت هاه المديره ايش قالت من براءتها علمتني انها مانزلت للادراه

يعني لفت ورجعت

لاتنفجع ان احد فتح عليك الباب بقوه متحمس تسألك عن أمها <<طبعا بنات الابلات


انا وش يعرفني من هي أمك؟؟ ماتسمع غير ردود البنات أمك تحت


لاتستغرب اذا جات واحده من اخر الفصل تبكي وتسألها ايش فيك

راح تقول لك ببساطه في يدي شوكه طيب من متى فيك؟؟تقولك من امس

طيب ليش ماقلتي لاامك تقول لك قلت لها بس تقول انقلعي عني وابوك وينه تقول لك يتفرج على الكوره